2023 թվականի հունիսին Impact Hub Syunik-ը CIPE-ի «Ուժեղ ասոցիացիաներ և պալատներ – Ուժեղ պաշտպաններ» մենթորական ծրագրի շրջանակներում փոքր ֆինանսավորում ստացավ։. Որպես մասնակից կազմակերպություն, մենք ստացանք վեցամսյա մենթորություն՝ պարբերաբար հանդիպումներ ունենալով մեր միջազգային մենթորի հետ՝ Impact Hub Syunik-ի ասոցիացիայի զարգացման համար: Impact Hub Syunik-ի կազմակերպչական կարողությունները հզորացնելուն ուղղված մենթորական ծրագիրը կարող էր ավարտվել մեր զարգացման համար էական համարվող ցանկացած առաջարկվող նախագծով: 2023 թվականը շատ մարտահրավերներով լի տարի էր Հայաստանի և հատկապես Սյունիքի մարզի համար: Հաշվի առնելով տեղական բիզնեսի առջև ծառացած մարտահրավերները՝ Impact Hub Syunik-ը որոշեց շարունակել աջակցություն ցուցաբերել և նոր լուծումներ առաջարկել տարածաշրջանին:
2023 թվականի դեկտեմբերի 10-ին Impact Hub-ը Սյունիքում անցկացրեց երկրորդ ամենամյա Սուրբ Ծննդյան տոնավաճառը։ Միջազգային մասնավոր ձեռնարկատիրության կենտրոն – Հայաստանի գրասենյակ մեր աջակիցն էր միջոցառման անցկացման գործում։ Սուրբ Ծննդյան տոնավաճառը հարթակ ստեղծեց Սյունիքի մարզից ավելի քան 40 վաճառողների համար (կրկնակի՝ 2022 թվականի առաջին Սուրբ Ծննդյան տոնավաճառի համեմատ)՝ ցանցային կապեր հաստատելու և վաճառքը խթանելու համար։ Մենք վերափոխեցինք Սուրբ Ծննդյան տոնավաճառի կառուցվածքը և թիրախավորեցինք Սյունիքի մարզում ներկայումս բնակվող արցախցի ձեռնարկատերերին։ Նրանք հնարավորություն ունեցան առաջին անգամ տարածաշրջանում ներկայացնել իրենց արտադրանքը։
Ինչ կարելի էր ակնկալել.
- Զվարճանքի անկյուններ
- Սուրբ Ծննդյան երաժշտություն
- Սյունիքի ավանդական խորտիկներ
- Զվարճալի մանկական անկյուն՝ երեխաների համար նախատեսված միջոցառումներով
- Մտածված և յուրօրինակ նվերներ
- Տոնական մթնոլորտ, որը ջերմացնում է սրտերը
Օրը մեծ հաջողություն ունեցավ՝ Սյունիքից և Երևանից ավելի քան 300 այցելու։ Հարկ է նշել, որ Impact Hub Syunik-ը առաջին և դեռևս միակ կազմակերպությունն է, որը Սյունիքի մարզում անցկացրել է Սուրբ Ծննդյան տոնավաճառ։
Խնդրում ենք հետևել մեր Ֆեյսբուքյան էջի հղմանը՝ օրվա ամենատաք պահերից մի քանիսը տեսնելու համար։